صيفك فين السنادي تعالا نقولك ؟
#اسكندرية
كعادة كل سنة الصيف يعني اسكندرية وجمال اسكندرية بس مش اسكندريه زمان اوي لو عايز تقضي يومين عليك وعلي ابوقير او خالد ابن الوليد ميامي او العصافرة الشقق هناك ببلاش 150 و 200 جنيه لليله الواحده وممكن اقل كمان بالنسبه للسكن .
كمان كل الشطوط تذاكرها معقوله جدا وفيها منها كتير المجاني بس زحمه حبتين تلاته اربعه وتنزل اخر يوم تتمشا علي الكورنيش وتوصل للمنشية تلف اللفه اللي هيا وتشتري ليك كام حته ميه ميه وتاني يوم علي تغير الشط وتقضي اليوم وعلي اخر اليوم تنزل خالد ابن الوليد تنقي كل ما تريد .
لتفاصيل اكتر عن اسكندريه دوس هنـــــــــــا
يلا بينا نصيف في مطروح في الصيف السنادي ؟
ازاي لسه لغايه دلوقتي منزلتش مطروح ومستني ايه يا عمنا الموضوع بسيط وممتع والله ومش مكلف كمان هناك الشقق قريبه من البحر والليله تبدا معاك من 200 جنيه وتفضل تطلع تطلع تطلع لغايه 1200 بس هقولك علي حاجه ال 200 حلوه ومش بعيده كمان واسأل مجرب هناك بئا الاكل والشرب ذي اي مكان في مصر في الهادي خالص هناك بئا كل الشواطئ حلوه وببلاش كمان الدخول بتاعها والشمسيه واربع كراسي ب100 يا سيدي بس سيبك انت الجمال عدا الحدود ميه صافيه جدا ونضيفه هناك بئا عجيبه وام الرخم وكليوبترا والفردوس وكمان روميل والبوسيت يعني الجمال كله واليدو في وسط مطروح والغرام اوعا تسيب اي شاطئ مطروح كلها حلو واخر يومك كده تركب الطفطف علي الكورنيش وتنزل شارع اسكندريه تبضع برحتك وتقعد علي اي كافيه ع الكورنيش تقضي ليلتك الجميله .